العالم بافلوف كان بيرن الجرس مع تقديمه لقطعة اللحم للكلب..بعد فترة مجرد رن الجرس بدون تقديم اللحم جعل لعاب الكلب يسيل..السبب إن إرتبط صوت الجرس فى ذهن الكلب بقطعة اللحم..فيه حاجات جوّانا إرتبطت بحاجات..مشاعر إرتبطت بأشخاص..ذكريات إرتبطت بأماكن...ألحان معينة أو موسيقى بتفكرنا بذكريات معينة.. روائح عطور معيّنة بتذكرنا بأشخاص معيّنة.. صوت الشتاء..ذكريات المدارس..أيام الأعياد..رآس السنة...إلخلو قلتلك دلوقتى حاجة ساقعة..أول حاجة جات فى ذهنك إيه؟؟!ممكن تكون كوكاكولا..أو كانز..غيرك إتخيل بيبسى..وواحد تانى صاروخ..أو فانتا...إلخ.مجرد ذكر المشروب إرتبط فى ذاكرتك بشكل معين (شكل العبوة الخارجى زجاجة أو كانز او صاروخ أو إتنين لتر..إلخ)هى دى حياتنا..عبارة عن شويّة حاجات مرتبطة بحاجات مالهاش علاقة أصلا ببعض..لكن إحنا مع مرور الزمن ربطناها ببعض..المشكلة إن ده أحيانا بيسبّبلنا ألم وحزن ...خصوصا لما تكون ذكريات مؤلمة...وأحيانا الشيطان بيلعب معانة نفس لعبة جرس بافلوف..كل لما يرن جرس معيّن يصحى جوّانا حاجات معينة..!!علشان كده حاول إنك تغيّر الإرتباطات..حاول تربط صوت الجرس بحاجات سعيدة..غير العلاقات جوّة عقلك الباطن...وبالتدريج هتلاقى حياتك إتغيرت.حاول تربط الحاجات دى بحاجات حلوة..الشتاء برحلة حلوة..الموسيقى بمشاعر إيجابية.. وياسلام لو ربطت الحاجات دى جوّاك بربنا.أنا عارف إن الموضوع مش بالبساطة دى...لكن صدقنى مجرد الإقتناع بيفيد ولو كبداية.. لأن المشكلة كلها فى دماغى
يبقى إذن إنت مش هتغيّر الماضى...لكن هتغيّر نظرتك للماضى..
هل اعجبك الموضوع ؟
الموضوع من طرف:
20 سنة, مدون مغربي مهووس بجديد تكنولوجيا المعلوميات, مصمم قوالب بلوجر وكذلك مهتم بتطوير المواقع الإلكترونية والتجارة الالكترونية يمكنك متابعته من خلال :
No comments :
Post a Comment